VİDEO MÜŞAHİDƏ

Nə baş verdiyini təxmin etmə! Nəzər sal...

Ötən əsrin sonlarda ixtira olunan video müşahidə sistemlərnin quraşdırılması nəticəsində insanların həyat və sağlamlığını xilas etmək, əmlakın qorunması, cinayətlərə və digər qanun pozuntularına qarşı mübarizə aparmaq mümkündür.

Görüntü keyfiyyəti və video nəzarətin həyata keçirilməsi proseduru video müşahidə sisteminin funksionallığından asılıdır. Bir qayda olaraq, müşahidə kameralarından video görüntülər monitora və ya adi televiziya ekranına ötürülür. Görüntünün keyfiyyəti isə qeyd edildiyi kimi sistemin qurulması zamanı seçilmiş avadanlıqlardan, həmçinin müvafiq ərazidə quraşdırılmış kamera modellərinin texniki imkanlarından və həmin kameraların quraşdırılması zamanı seçilmiş çəkim bucağından asılıdır.

Əlbəttə ki, video nəzarət sistemində daha yüksək göstəricilərə malik avadanlıqların istifadəsi sistemin qiymətini əhəmiyyətli dərəcədə artırır. Yalnız, günümüzün reallığını nəzərə alsaq, əgər məntəqənin müassir video müşahidə sistemini varsa, bu ilk növbədə həmin məkan üçün mühafizə xərclərinə böyük miqdarda qənaətlə nəticələnir.

Bir çox hallarda səhvən video müşahidə sistemləri layihələndirilməsi olmadan, heç bir təhlükəsizlik standartlarına cavab vermədən quraşdırılır ki, son nəticədə sifarişçi istədiyi kimi nəticəni əldə edə bilmir.

Təhlükəsizlik sistemlərinin layihələndirilməsinə başlamazdan əvvəl, belə bir sistemin quraşdırılmasının məqsədləri aydın şəkildə tərtib edilməli və sistemə veriləcək vəzifələr dəqiqləşdiləşdirilməlidir.
Qeyd edilən bütün məqamlar bu sahə ilə bağlı yüksək ixtisaslı təhsilə, iş təcrübəsinə malik peşəkarlar mühəndislər tərəfindən hazırlanmalı, layihəni onlar tərtib etməlidir.

Video müşahidə sistemlərinin layihələndirilməsi və layihələrin icrası kimi peşəkar, dayanıqlı və bütün standartlara cavab verəcək kompleks xidmətlərimizdən - iş mərkəzləri, hotellər, restoranlar eləcə də şəxsi ticarət zəncirlərində özəl video müşahidə sisteminə sahib olmaq istəyən bütün şəxslər yararlana bilərlər.